Il Grup Folcloristic Pasian di Prât, dilunc i siei agns di ativitât, nol à dome partecipât a miârs di spetacui in dut il mont ma, cul timp, al à tacât a inmaneâ cierts events, come par esempli i plui impuartants a son dal sigûr il PAN E VIN DE PIFANIE, li che ogni dì de Epifanie, ai 6 di Zenâr, a vegnin riproponûts rîts epifanics tradizionâi; la rassegne Internazionâl FOLKLORAMA, che in graciis ae presince di grups folcloristics di ogni bande dal mont al permet ae popolazion locâl di gjoldi di musichis e danzis che si à pôc la pussibilitât di preseâ; par finî, cu la plui resinte BENTORNADE PRIMEVERE, spetacul che il Grup Folcloristic al vûl dedicâ ae Primevere e che ogni an al devente une ocasion par ricuardâ ai citadins di Pasian di Prât, intune vieste plui cjalde e intime, rispiet aes manifestazions citadis prime, lis tradizions de nestre tiere native.