Il Folclôr: spieli di une civiltât

Regjie: Giorgio Miani

Fotografie e post produzion: Remigio Romano

Une idee di: Raffaela Santoro, Antonella Casco, Lorena D’Agostini, Federica Pressacco, Nadia Renzini, Fausto Di Benedetto, Giorgio Miani

Poesiis e contis di: Pietro Zorutti, Enzo Driussi, Giuseppe Marchetti, Antonio Faleschini

Musichis popolârs di : Adelino Antoniazzi, G.B. Candotti, Arturo Zardini, Giorgio Miani, Flaviano Miani, Enzo Driussi, Luigi Garzoni

Esecuzion des musichis: Giorgio Miani, Enrico P. Chiandetti, Elizabeth Dell’Oste, Flaviano Miani, Raffaele Cian, Stefano Penta, Luca Ceccotti, Gianluca Zanier

Mestri dal côr:Flaviano Miani

Regjistrazions: Roberto Tomada

Tecnic dsl sun: Flaviano Miani

Un  ringraciament particolâr  pe preziose colaborazion e la disponibilitât a:

Dante Bernardinis, Sergio Cattaruzzi, Reana e Gianni Bellotto, F.lli Rossi, Luciano Rosso, Ivo Tomadini, Franco Zampieri, Giuseppe ed Ernesto Giacomini, Paolo Fant, Elsa Molaro, Mauro Miani, Maggiorino Codutti, Nillo Dominici, Luigi Ercole, Dianello Pitton

Cheste publicazion e je disponibile sul nestri canal YouTube.

Vierte – prime part

Istât – seconde part

Sierade – tierce part

Invier – cuarte part

 

Cjalâsi indaûr no je ni une colpe, ni un pecjât. Al covente par capî il vuê. Forsit e je ancje cheste une des intenzions dal Grup Folcloristic di Pasian di Prât che al presente, in clâf musicâl limpie, e colorade Lis Stagjons de Sperance, poesiis, cjants, danzis, musichis dal Friûl cun tescj di Pieri Zorut, Antonio Faleschini, Josef Marchet, Enzo Driussi, musichis di Arturo Zardini, Luigi Garzoni, Giobatta Candotti, Flaviano Miani, Giorgio Miani, Enzo Driussi e Adelino Antoniazzi.

In cheste opare, cu la atente direzion di Giorgio Miani e torne a vivi il Friûl dal passât: net e sempliç, trasparent, cun cjants sui prâts, cul instreçâsi di bai che a mimin sintiments, la cort, i afiets intims, i scherçs e i amichevui dispiets, in mieç cualchi bussade discrete.

A son contadis lis stagjons “La Vierte” il timp là che ogni cûr si indalegre, “l’Istât” siôr di calôr e di cjants, “L’Autun” cuntun personaç, Pieri Zorut, che al cjamine fevelant cui siei pinsîrs, inte braide e cui moviments plens di vite e di ligrie de vendeme, par sierâsi cu “L’Invier” e la fieste tradizionâl dal “Pan e Vin” cul Vieli che al fâs i auspicis. Dongje il fûc e un frêt che al beche intant che il vecjo al scrutine il nûl al sentenzie bêçs e blave sedi in Cjargne che in Friûl.

A son stagjons dal timp, a son stagjons de Sperance, la virtût plui grande che l’om al à. Forsit al è l’om dal Doi mil a no valêsi di cheste grande clâf di leture e di interpretazion des sôs storiis di ogni dì.
La conte e piture il Friûl, chel che si esprim cun moments coletîfs di gjonde e di serenitât peâts aes stagjons e ae nature in pâs cun se stesse cu la anime de int, e il vivi cun traspuart e impegn di un grup intîr, in particolâr tra lis parêts domestichis de famee Miani cun Giorgio, Luigina, Flaviano e ancje la none Nora che a vivin, simpri, cul folclôr.

Lis tradizions e la storie dal passât a vivin ancje a mieç dal folclôr che al è bon di creâ des fuartis emozions. Emozions vivis, spieli di une civiltât, chê di un popul che al scuen fâ di dut par mantignî la sô identitât. Lis robis semplicis no son simpri lis miôr, lis miôr a son simpri chês semplicis. E lis robis che si lassìn indaûr nus compagnin simpri.
Silvano Bertossi.